超順滑扭計骰 Valk 3

小時候對扭計骰全無興趣,皆因唔識玩。十年前,心血來潮忽然認真去學扭計骰,花了兩日時間,看了好多YouTube片,終於有一段短片令我明白個中原理,成功還原一粒3×3扭計骰。那時候,最快都要5分鐘才扭完,實在好慢,後來就無再玩。

最近見有人談論這一款名為Valk的扭計骰,同系列之中還有一款mini版,以Mats Valk在2016年打破世界紀錄的成績4.74秒為基礎,造出一款4.74厘米立方的扭計骰。

話就話買俾阿仔玩,其實係我自己想玩,所以一大一小兩種尺寸都買。Valk Power版售價$98人民幣。比較了幾家香港店舖的售價,還是上淘寶買最划算。有一家淘寶商戶以$150人民幣賣3顆Valk mini,平均每一顆$50人民幣(其他店都在賣$68人民幣)。多出來的mini轉讓給同事,她說女兒試玩過後好鍾意。

拆開Valk 3 Power扭啊扭,嘩!真係好順手!以前在反斗城買的Rubik’s Cube完全無得比!以我的慢速,只用了2分鐘就完成,開心到跳起!證明有一粒轉得順嘅扭計骰,真係好緊要!

Valk 3 mini都一樣轉得好順,細細粒,更加適合小朋友玩。

發表回覆

你的電郵地址並不會被公開。 必要欄位標記為 *